प्रश्न ?
प्रश्न आहे कि अखेर पर्यंत सोबत कुणाची
उत्तर अगदी सोपे आहे प्रश्नाशिवाय आणखी कुणाची
प्रत्येक पावलावर
प्रत्येक प्रश्नाचा थाटाच निराळा
प्रश्न नाहीच असा क्षणच विरळा
प्रश्न प्रत्येक मनात आहे
प्रश्न प्रत्येक क्षणात आहे
प्रश्न प्रत्येक वाटेवर आहे
प्रशन प्रत्येक लाटेवर आहे
कधी कधी वाटते कि
प्रश्न हि एक सजा आहे
पण प्रश्नाशिवाय
आयुष्यात तरी काय मजा आहे
प्रत्येक प्रश्नाचं उत्तर शोधताना
स्वतःला पण हरवून बसावं
जवळच असणारे उत्तर पण
का इतकं लांब भासावं?
एकाच प्रश्नाचं पण उत्तरं हजार
या प्रश्नोत्तराच्या घोटाळ्यात कितीही जरी झालो बेजार
तरी सुद्धा प्रश्न हि काही सजा नाही
प्रश्नांशिवाय खरच आयुष्यात काही सुद्धा मजा नाही
- शीतल जोशी
No comments:
Post a Comment