Gazal

Mood for Gazals is on and words just gathered are
न उरले काही मागे आता , सूर चांदण्याचे
न स्मरती आता काही , रुणुझुणु पैंजणाचे

तुज आठवते का कधी ,
ती बकुल सुमांची माळ,जणू आठवणीचा मोहक दरवळ
तुझ्यासाठी असेल ती आता , जणू तुटल्या धाग्यांचीच अडगळ
न उरले आता काही अस्तित्व त्या माळेचे
न उरले काही मागे आता , सूर चांदण्याचे

तुज आठवते का कधी , त्या एका संध्याकाळी 
स्पंदने  दोन हृदयांची ,  जणू छेडती सप्त  सूर
अव्क्यात -व्यक्त प्रीती, अपुली अन  संध्येचे हि गूढ
वचन न मागितले मी कधी , पण तरी तू  सांगून गेलीस मजला
ना कधी एकाकी    सोडून मी निघून जाईन  तुजला
ना उरले आता काही मोल त्या तुझ्या शब्दांचे
न उरले काही मागे आता , सूर चांदण्याचे

तू त्या क्षितीज्याच्या हि पलीकडे , अन मी उभा किनाऱ्या वरी
वाट पाहतो एका लाटेची , जी नेईल मला पैलतीरी
तिथे असू आपण दोघेच , अन काळ  हि थांबला असेल
केवळ आठवणीचा सडा अन आनंदाची उधळण करेन
आता उरले केवळ काही श्वास , तुझ्या - माझ्यातील अंतराचे
न उरले काही मागे आता , सूर चांदण्याचे

-शीतल