असे किती तरी वेळा होते
की काय चूक अन के बरोबर हेच कळत नाही
बुद्धी की मन असे द्वंद्व सुरू असते मनात
अन मी चटकन म्हणून जाते, अर्जुन झालाय माझा
अन मग वाटते की कुठे आहे माझा कृष्ण
देवघरात, एखाद्या तैलचित्रात, बासरीच्या सप्तसुरात
यमुनेच्या काठी, राधे सोबत की वाळवंटात मीरे सोबत
की रुक्मिणीच्या महाली की विदुराच्या झोपडीत
सुदम्याच्या पोह्यात, की गोवर्धन पर्वतावर
रास क्रीडेत मग्न की बालगोपलांच्या काल्यात
मथुरेत कंसमर्दन करत असेल की नवी द्वारका वसवत असेल
कृष्णाशिष्टाई करत असेल का कुरु महालात
की कृष्णेच्या अस्मितेची लढाई लढत असेल त्याच महालात
कुठे असेल हा कृष्ण सखा
कुरुक्षेत्रात, सारथी म्हणून
विश्वारूपाचे दर्शन गीते मधून सांगत
की मला सांगतोय आता इथे
की मला शोधणे इतके सोपे नाही
इतका मी चराचरात आहे
अगदी आता तुझ्या मनात सुरु असलेल्या
विचार मंथन मधे सुद्धा मीच आहे
कदाचित मी तुम्हा प्रत्येकाच्या हृदयात आहे
©शीतल
